1.

А, Б нар тус бүр 5 сая төгрөгийн хөрөнгө нийлүүлж “АБ” ХК-ийг байгуулсан байна. Тэдгээр нь компанийн дүрмэндээ 50-иас дээшгүй хувьцаа эзэмшигчтэй байх талаар тусгажээ. Ийнхүү зохицуулах боломжтой юу?

А. Боломжтой

Б. Боломжгүй

2.

“АБ” ХК-ийн гишүүд харилцан тохиролцож хувьцаагаа захиран зарцуулах эрхээ харилцан хязгаарласан 10 жилийн хугацаатай гэрээ байгуулахыг хүссэн байна. Компанийн хуулийн зөвлөх үүнийг боломжгүй гэж зөвлөсөн. Учир нь хуулийн зөвлөхийн үзэж байгаагаар дээрх гэрээ нь хувьцаа эзэмшигчдийн өмчлөх эрхийг хязгаарлах тул ийм гэрээ байгуулахгүй байхыг зөвлөжээ. Зөвлөгөө  үндэслэлтэй юу?

А. Үндэслэлтэй

Б. Үндэслэлгүй

3.

А компани иргэн Б-ээс 15 сая төгрөгийн барилгын материал худалдаж авсан боловч төлбөрийн чадваргүй гэдэг шалтгаанаар үнийг төлөөгүй байна. А компани нь С компанийн охин компани болно. Б нь А компанийн толгой компани болох С компанийн нэр дээр шүүхэд нэхэмжлэл гаргах замаар материалынхаа үнийг олж авах боломжтой эсэх талаар хуулийн зөвлөх Д-ээс лавласан байна. Боломжтой юу?

А. Боломжгүй

Б. Боломжтой

В. Толгой болон охин компанийн хооронд байгуулсан гэрээгээр толгой компани нь охин компанитай холбогдох төлбөрийг хариуцах талаар зохицуулсан тохиолдолд боломжтой. 

4.

Шийдвэр гүйцэтгэгч А төлбөр төлөгч болох Б компанийн ажлын байранд төлбөрт гаргуулах боломжтой ямар ч хөрөнгө байхгүйг тогтоосон бөгөөд компанийн хувьцаа эзэмшигч Д-ийн гэрт шаардлагын дийлэнх хэсгийг хангахад хүрэлцэхүйц хэмжээний үнэт эдлэл байгаа талаар төлбөр авагчаас олж мэдээд Д-ийн гэрт ажиллагаа явуулахаар болсон байна. Энэ нь боломжтой юу?

А. Боломжгүй

Б. Боломжтой

В. Ахлах шийдвэр гүйцэтгэгчийн тогтоолын үндсэн дээр боломжтой.

5.

А-н зүгээс  компанид оруулсан хөрөнгө нь түүний хувийн хөрөнгөөс зааглагдаагүй байна гэдэг үндэслэлээр А-г өөрийн бүх эд хөрөнгөөр компанийн хариуцах төлбөрийг давхар хариуцах талаар шүүхээс шийдвэрлэсэн байна. Шүүхийн шийдвэр үндэслэлтэй юу?

А. Шүүхийн шийдвэр үндэслэлгүй

Б. Шүүхийн шийдвэр үндэслэлтэй

6.

А компани өөрийн дүрэмд орсон нэмэлт өөрчлөлтийг бүртгүүлэхээр бүртгэх байгууллагад хандсан байна. Бүртгэх байгууллага компанийн улсын бүртгэлийн гэрчилгээ дутуу байна гэдэг үндэслэлээр бүртгэхээс татгалзсан байна. Татгалзсан шийдвэр үндэслэлтэй юу?

А. Үндэслэлгүй

Б. Үндэслэлтэй

7.

Компанийг татан буулгах мэдэгдлийг нийтэд мэдээлэхгүйгээр татан буулгаж болох уу?

А. Болно.

Б. Болохгүй.

В. Зөвхөн татан буулгах шийдвэр гарах үед компани өргүй бол болно.

8.

А компанийн төлөөлөн удирдах зөвлөлөөс компанийн 150 сая төгрөгийн өрийг компанийн хувьцаагаар солихоор шийдвэрлэсэн байна. Компанийн хувь нийлүүлэгчид болох Б, Д нар энэхүү шийдвэрийг хууль бус шийдвэр гэж мэдэгджээ. Б, Д нарын мэдэгдэл үндэслэлтэй юу?

А.Үндэслэлтэй

Б. Үндэслэлгүй

9.

“А” ХХК-ийн  гүйцэтгэх захирал Б “Монаудит” компаниар санхүүгийн хяналт шалгалт хийлгүүлэхээр сонгож гэрээ байгуулсан байна. А компани төлөөлөн удирдах зөвлөлгүй болно. Гүйцэтгэх захирал гэрээ байгуулах эрхтэй юу?

А. Эрхтэй

Б. Эрхгүй

В. Компанийн дүрэмд заасан тохиолдолд гэрээ байгуулах эрхтэй

10.

2007 онд А компаниас дунджаар 5 000 ширхэг энгийн хувьцааг гүйлгээнд гаргасан байна. Компани өөрийн 3 000 ширхэг хувьцааг худалдан авахыг хүссэн. Энэ нь боломжтой юу? 

А. Боломжгүй

Б. Зөвхөн ТУЗ-ийн шийдвэрийн үндсэн дээр боломжтой

В. Ямар ч тохиолдолд боломжтой

11.

“А” компани 2007 оны ногдол ашгаа хуваарилахаар шийдвэрлэсэн бөгөөд шийдвэрт заасан хугацаандаа ногдол ашгаа хуваарилаагүй. Хувьцаа эзэмшигчид хугацаа хэтрүүлсэний алданги төлөхийг шаардах эрхтэй юу?

А. Шаардах эрхгүй

Б. Шаардах эрхтэй

В. Зөвхөн компанийн дүрэмд алдангийн хэмжээг заасан тохиолдолд шаардах эрхтэй.

12.

“А” ХК-ийн хувь нийлүүлэгчдийн ээлжит хурлаас Б-г төлөөлөн удирдах зөвлөлийн гишүүнээр сонгохоор санал болгоход зарим хувьцаа эзэмшигчид Б-г компанийн хувьцаа эзэмшигч биш тул сонгох боломжгүй гэдгийг мэдэгдсэн байна. Б төлөөлөн удирдах зөвлөлийн гишүүнээр сонгогдож болох уу?

А. Сонгогдох боломжгүй

Б. Сонгогдох боломжтой

В. Компанийн дүрмээр зөвшөөрсөн бол сонгогдох боломжтой

13.

Засгийн газраас өөрийн эзэмшиж буй алтан хувьцааг компанийн хувьцаа эзэмшигч А-д шилжүүлэхийг хүссэн. Шилжүүлэх боломжтой юу?

А. Ямар ч тохиолдолд шилжүүлэх боломжтой

Б. Ямар ч тохиолдолд шилжүүлэх боломжгүй

В. Хугацаа дуусмагц шилжүүлэх боломжтой

14.

“А” ХК нийт 5 000 ширхэг энгийн хувьцааг гаргахаар болсон байна. Б үүнээс 2 650 ширхэгийг нь худалдан авахыг хүссэн. Тэрээр ...

А. нийтэд мэдээлэх замаар худалдан авах саналаа гаргах ёстой

Б. Хувь нийлүүлэгчдийн хуралд мэдэгдэх замаар худалдан авах саналаа гаргах ёстой

В. Үнэт цаасны хороонд мэдэгдэх замаар худалдан авах саналаа гаргах ёстой

Г. Хөрөнгийн биржид мэдэгдэх замаар худалдан авах саналаа гаргах ёсто

15.

Компанийг тодорхойлно уу.

А. гишүүдийн оруулсан хөрөнгөөс бүрдэх эд хөрөнгөтэй, хүлээсэн үүргээ уг эд хөрөнгө болон гишүүдийн хувийн өмчийн эд хөрөнгөөр хуульд заасны дагуу хариуцдаг, тодорхой зорилго бүхий хуулийн этгээд

Б. хувь нийлүүлэгчийн оруулсан хөрөнгө нь тодорхой тооны хувьцаанд хуваагддаг, өөрийн тусгайлсан хөрөнгөтэй, ашгийн төлөө үндсэн зорилготой хуулийн этгээд

В. хувь нийлүүлэгчийн оруулсан хөрөнгө нь тодорхой тооны хувьцаанд хуваагддаг, хүлээсэн үүргээ гишүүдээс оруулсан хөрөнгө болон хувийн өмчийн эд хөрөнгөөрөө хариуцдаг, ашгийн төлөө үндсэн зорилготой хуулийн этгээд

Г. аль нь ч биш

16.

“А” ХК өөрийн дүрмээрээ хувьцаа эзэмшигчдийн тоогоо хязгаарласан байна. Энэ нь зөв үү?

А. Зөв

Б. Буруу

В. Тодорхой төрлийн үйлдвэрлэл, үйлчилгээ эрхэлдэг компанийн хувьд хязгаарлах боломжтой.

Г. аль нь ч биш

17.

Хоёр буюу хэд хэдэн компанийн үйл ажиллагааг зогсоож, тэдгээрийн эрх, үүрэг, хариуцлагыг шинээр бий болсон компанид шилжүүлэхийг...

А. нэгдэх

Б. нийлэх

В. өөрчлөх

Г. тусгаарлах гэнэ.

18.

Компанийг татан буулгах үндэслэлүүдийг нэрлэнэ үү.

А. дампуурсан болон хуульд заасан бусад үндэслэл

Б. компани төлбөрийн чадваргүй болсон нь тогтоогдсон, нэг ч гишүүн үлдээгүй болон хууль заасан бусад үндэслэл

В. дампуурсан, нэг ч гишүүн үлдээгүй болон хуульд заасан бусад үндэслэл

Г. аль нь ч биш

19.

Компанийн өөрийн хөрөнгийг тодорхойлно уу.

А. компанийн балансанд тусгагдсан биет болон биет бус хөрөнгийг хэлнэ

Б.  компанийн балансанд тусгагдсан биет болон биет бус хөрөнгийн нийт дүнгээс компанийн өр төлбөрийг хасаж үлдсэн хэсгийг хэлнэ.

В.  компанийн үл хөдлөх болон хөдлөх эд хөрөнгийг хэлнэ

Г. аль нь ч биш 

20.

Хувьцаанд хамаарах үнэт цаасыг нэрлэнэ үү.

А.  вексель, опцион, энгийн хувьцааг худалдан авах эрхийн бичиг

Б. өрийн бичиг, энгийн хувьцааг худалдан авах эрхийн бичиг

В.  хувьцаанд хөрвөх үнэт цаас, опцион, энгийн хувьцааг худалдан авах эрхийн бичиг

Г. аль нь ч биш

21.

Хязгаарлагдмал хариуцлагатай компанийн дүрэмд өөрөөр заагаагүй бол

А. заавал төлөөлөн удирдах зөвлөлтэй байна

Б. төлөөлөн удирдах зөвлөлгүй байж болно.

В. энэ талаар хуулиар зохицуулаагүй

22.

Ашгийн төлөө хуулийн этгээдийг нэрлэнэ үү.

А. нөхөрлөл, сан, хоршоо

Б. компани, нөхөрлөл, холбоо

В. нөхөрлөл, компани

Г. компани, сан, холбоо

23.

Хараат болон охин компани нь толгой компанийн хувьцааг эзэмшиж

А. болохгүй

Б. болно

В. 51-ээс доошгүй хувийг болно

Г. аль нь ч биш

24.

Хамтран ажиллах гэрээг...

А.  Амаар болон бичгээр байгуулж болно.

Б. Зөвхөн бичгээр байгуулна.

В. Хамтран ажиллах хугацааг талууд тогтоосон тохиолдолд л бичгээр байгуулна.

Г. Аль аль нь биш

25.

Хамтран ажиллах гэрээ дараахь үндэслэлээр дуусгавар болно:

А.  Хамтын үйл ажиллагааны зорилгыг биелүүлэх боломжгүй болсон, гэрээний хугацаа дууссан

Б. Талууд шийдвэрлэсэн, гэрээний хугацаа дууссан

В. Гэрээг цуцалсан, талууд шийдвэрлэсэн, гэрээний хугацаа дууссан, талуудын дундын өмчлөлийн хөрөнгийг дампуурлын ажиллагааны дагуу төлбөрт гаргуулах хөрөнгөд оруулсан

Г. Талуудын дундын өмчлөлийн хөрөнгийг дампуурлын ажиллагааны дагуу төлбөрт гаргуулах хөрөнгөд оруулсан, талууд шийдвэрлэсэн, гэрээний хугацаа дууссан, хамтын үйл ажиллагааны зорилгыг биелүүлэх боломжгүй болсон

26.

Нөхөрлөл нь...

А.  зөвхөн гишүүдийн хурлын шийдвэрээр татан буугдана

Б. зөвхөн шүүхийн шийдвэрийн үндсэн дээр татан буугдана

В. нөхөрлөл нь гишүүдийн хурлын шийдвэр болон шүүхийн шийдвэрийн үндсэн дээр татан буугдана

Г. аль нь ч биш

27.

Нөхөрлөлийн гишүүд үйл ажиллагаа явуулахад шаардагдах ...

А.  мөнгө, эд хөрөнгөө үнэлж нэгтгэн нөхөрлөлд оруулна

Б. эд хөрөнгө, ажиллах чадвараа үнэлж нэгтгэн нөхөрлөлд оруулна

В. мөнгө, эд хөрөнгө, ажиллах чадвараа үнэлж нэгтгэн нөхөрлөлд оруулна

Г. аль нь ч биш

28.

Нэхэмжлэгчдийн анхны хурлыг ямар этгээд зохион байгуулах вэ?

А.  хэрэг гүйцэтгэгч

Б. шүүх

В. нэхэмжлэгч этгээдүүд

Г. аль нь ч биш

29.

А компаний эсрэг дампуурлын хэрэг үүсгэсэн. Нийт 5 нэхэмжлэгч  нь хариуцагчийг дахин хөрөнгөжүүлэх тухай хүсэлтийг шүүхэд гаргажээ. Энэхүү хүсэлтийн үндсэн дээр дахин хөрөнгөжүүлэх тухай шийдвэрийг гаргах боломжтой юу?

А. Боломжтой

Б. Боломжгүй

В. Тодорхой тохиолдолд боломжтой

Зөв хариулт: Б

30.

Давамгай байдалтай аж ахуйн нэгжийн удирдлага өрсөлдөгч бусад аж ахуйн нэгжийн удирдлагын албан тушаалд хавсарч ажиллахыг ...

А. хориглоно

Б. хориглохгүй

В. тухайн аж ахуйн нэгжийн дүрмээр зохицуулна

Г.  аль нь ч биш

31.

А компанийн эсрэг үүсгэсэн дампуурлын хэргийг хянан шийдвэрлэх явцад хэрэг гүйцэтгэгчийн санал болгосноор шүүхээс хариуцагчийн биелэгдээгүй байгаа болон ихэнх хувь нь биелэгдээгүй гэрээг өөрчлөх, цуцлах талаар шийдвэр гаргасан байна. Шүүхийн шийдвэр зөв үү?

А. Шүүхийн шийдвэр зөв

Б. Шүүхийн шийдвэр буруу

32.

Шударга бус өрсөлдөөнийг хориглох тухай хуульд заасны дагуу санхүүгийн байгууллага гэдэгт ...

А. Хадгаламж, зээл, төлбөр тооцооны байгууллагыг ойлгоно.

Б. Хадгаламж, зээл, төлбөр тооцоо, даатгалын байгууллагыг ойлгоно.

В. Зээлийн, даатгалын байгууллага болон үнэт цаасны зах зээл дэх мэргэжлийн зуучлагчийг ойлгоно.

Г. Аль аль нь биш

33.

“А” ХХК тухайн салбарын зах зээлд давамгай байдалтай компани болно. А компани өөрийн бүтээгдэхүүнээ борлуулахдаа иж бүрдэлд ороогүй өөр барааг дагалдуулан худалдаалсан болох нь тогтоогдсон байна. Үүнийг ...

А. Шударга бус өрсөлдөөнийг хориглох тухай хуулиар хориглосон.

Б. Шударга бус өрсөлдөөнийг хориглох тухай хуулиар хориглоогүй.

В. Хуульчлан зохицуулаагүй.

34.

“А” болон “Б” компани аль аль нь давамгай байдалтай аж ахуйн нэгж. Тэдгээр нь өөсрдийн үйлдвэрлэдэг бүтээгдэхүүний үнийг харилцан тохиролцож тогтоодог нь болох нь мэдэгдсэн байна. Үүнийг ...

А. Шударга бус өрсөлдөөнийг хориглох тухай хуулиар хориглоно.

Б. Шударга бус өрсөлдөөнийг хориглох тухай хуулиар зохицуулаагүй.

В. Хуулиар зөвхөн тодорхой салбаруудын хүрээнд хориглосон.

35.

Гэнэтийн аюулын улмаас учирсан хохирлыг нь нөхөхөд зориулж “А” компанид Засгийн газраас зээл олгосон байна. Үүнийг “А” компанитай өрсөлдөгч компани өрсөлдөөнийг хязгаарласан үйлдэл гэж үзэж гомдол гаргасан байна. Үүнийг ...

А. Өрсөлдөөнийг хязгаарласанд тооцно

Б. Өрсөлдөөнийг хязгаарласанд тооцохгүй

В. Зээлийг тодорхой хэмжээний хүүтэй олгодог тул өрсөлдөөнийг хязгаарласанд тооцохгүй.